Naskah Sajak Sunda dalam Rangka Gebyar Kartini 2017

Naskah Sajak Sunda
dalam Rangka Gebyar Kartini 2017
SMPN 1 Purwakarta
Jumat, 21 April 2017

RADEN DEWI SARTIKA

Karya: A.Yogaswara

Anjeun satia ka Nagara

Ajeg wiwaha

Nyungkemkeun acining ati

Ka lemah cai ku wening ati

Sari puspa wangi arum

Ngatik ngadidik

Paraputra Pasundan

Nyambuang sa Nusantara

Saban wanci

Saban waktu

Anjeun babakti ka nagri

Ku wening ati

Kembang deudeuh

Teu weléh pageuh

Langgeng ngadalingding

Ngajungjung lemah cai

Dangiang kawinayan

Geus méré tanda

Anjeun pinuh wiwaha

Babakti ka nagara

SAJATINING BAKTI

KARYA: A.Yogaswara

Wanci nu jadi bukti

Darma wawayangan baé

Saban wanci babakti

Saban waktu mituhu

Sajatining ati anu wening

Balumbang rasa nu wiwaha

Pabedang-bedang

Loba kahayang

Kahayang jeung kamelang

Pagaliwota dina longkéwang

Sajating ati nu wening

Salira ajeg

Saban wanci tetep babakti

Mangpirang-pirang

Panuding dengki

Ti saban wanci

Salira ajeg

Sajatining ati nu wening

Ajeg panceg

Saban wanci tetep babakti

Berlanggan Tulisan Via Email: