Sajak Sunda : Pajajaran Tandang

Pajajaran Tandang

Karya: Kang Yoga

 

Geura hudang jalu

Ayeuna geus waktuna padungdung

Jampe pamake geura pake

Elmu panemu kudu junun

 

Mata poe hayang lalajo

Loba nu can nyaho

Loba nu can nempo

Pajajaran anyar geus ngagero

 

Goong kabuyutan geus ditabeuh

Loba jalma nu seubeuh

Tapi leuwih loba baraya nu lapar

Teu bisa balangsiar

 

Hayu urang samiuk sauyunan

Gilig pikir ngajadi hiji

Nembongkeun wiwaha urang

Seuweu-siwi Siliwangi

 

Pajajajaran

Gemah ripah repeh rapih

Wibawa karta raharja

Ginanjar kawilujengan

 

 

Cag!

Purwakarta, 9-11-2021

Berlanggan Tulisan Via Email: