ULIN KA KEBON BINATANG BANDUNG

ULIN KA KEBON BINATANG BANDUNG

Poѐ Minggu kuring sakulawarga rѐk ulin ka Kebon Binatang Bandung. Opatan  baѐ nu milu tѐh. Bapa, Mamah, Dѐ Inay jeung kuring. Indit ti Bojong tѐh tabuh dalapan.  Ngahaja indit tѐh isuk kѐnѐh, saur Bapa bisi macѐt di perjalanan.

Barang jung ti imah mah lalampahan tѐh kaitung lancar. Nepi ka Cimindi, karasa majuna kendaraan tѐh mimiti ngarayap. Bras ka Gunung Batu mah komo. Enya, bener baѐ macѐt. Sado, angkot, motor jeung mobil pribadi ngantay panjang nakeranan. Nepi ka gerbang tol Pasteur beuki parna  ngantayna kendaraan tѐh. Bandung kiwari bener-bener heurin ku tangtung. 

Nepi ka nu dituju tѐh tabuh satengah sabelas beurang. Sanggeus meuli tikѐt keur opataneun tuluy arasup ka Kebon Binatang. Dѐ Inay kacida atoheunana. Tititrilikan ka ditu-ka dieu. Resep pisan ningal rupa-rupa sasatoan di kebon binatang. Aya manuk, oray, monyѐt, onta, singa, buhaya jeung sajabana.

Basa kareungeu adan lohor, bapa ngajak kaluar ti kebon binatang. Tuluy ngajugjug ka Masjid Salman ITB. Di dinya sarolat heula. Rѐngsѐ solat lohor teras jarajan di kantin Salman. Tuangeunana arѐnak sarta hargana teu mahal teuing.  Kira-kira tabuh dua siang, kuring sakulawarga mulang deui ka Bojong.

Berlanggan Tulisan Via Email: